當年今日
關於我們
【至少八紅人參演】 染谷將太剃頭攻強國 演陳凱歌新片《妖貓傳》
蘋果日報 2016/08/08 20:30
染谷將太
陳凱歌
內地導演
妖貓傳
菊地凛子
黃軒
染谷將太剃頭演陳凱歌新片《妖貓傳》,一眾工作人員已於襄陽開鏡。
《寄生獸》下月終可以喺中國地區上映。
內地著名導演陳凱歌籌備6年嘅魔幻古裝片《妖貓傳》,近日已喺湖北襄陽開鏡,由下月滿24歲嘅日本男星染谷將太擔任男主角,佢已剃光頭飾演高僧空海,其他拍檔則有《羋月傳》男星黃軒,有傳至少有8位亞洲紅人參演,李冰冰、劉亦菲、高圓圓、張涵予、張震及渡邊謙等紅星都榜上有名,預計年底煞科,安排明年上映。《妖貓傳》係套發生於晚唐時期嘅故事,改編自日本小說影《沙門空海》,大膽利用李白、高力士、白居易等歷史人物帶出故事發展,陳凱歌更花20億人民幣興建一座唐城,非常揼本。
染谷將太主演電影《寄生獸》最為港人認識,原來呢套戲一直無緣登陸內地,《寄生獸》最近先至決定安排下月喺中國地區上映。染谷去年同35歲國際級女星菊地凛子拉埋天窗,染谷今年終於衝出日本,進軍內地影壇,日前佢拍住陳凱歌、黃軒為新片開鏡,令其片中嘅光頭新look得以曝光。