【本報訊】雨潤食品（1068）大股東祝義材上月尾表示，對個人及公司被憑空捏造的評論攻擊感到非常憤怒，但「憤怒」了不足一個星期，上周五卻率先宣佈辭任主席兼執行董事職務，僅留任「無實權」的名譽主席及高級顧問。證券界料雨潤股價今日跌一成。

祝義材報案公安受理

雨潤上月遭內地一名自稱「歲寒知松柏」的博客貼文，質疑大股東涉嫌挪用逾50億元人民幣公司資金，文章其後被大型網站轉載，令股價於6月28日一度急挫逾14%。祝義材罕有地發聲明反駁，並指已尋求內地公安機關協助。
祝義材昨向內地《每日經濟新聞》表示，他辭職與被質疑公司財務有問題無關，並強調公安已受理其報案。
康宏証券及資產管理董事黃敏碩說：「原本一間無乜嘢嘅公司，主席突然劈炮唔撈都已經好大鑊，家仲要係涉及一間有好多風風雨雨嘅民企，佢今日股價大跌5至10%一啲都唔出奇，有乜風吹草動，（跌幅）隨時唔止10%！」
有市場人士認為，作為雨潤靈魂人物的祝義材突然「退下火線」，不應只刊發一張通告了事，「祝生對公司咁重要，係咪起碼都要講吓繼任人嘅分工呢？家大圍環境仲要係好唔掂，走得咁急，係咪有難言之隱呢？」