操弗開騷
馮仁昭四圍超：阿B、阿倫鬥半裸晒肌 - 馮仁昭
蘋果日報 2011/02/05 00:00
溫拿一連六場嘅演唱會噚晚喺紅館舉行頭場，成員譚詠麟（阿倫）同鍾鎮濤（阿B）都做足準備，兩人不時做gym練大隻，又進行地獄式訓練，佢哋仲分別貼上半裸「雄風再現」嘅圖片喺微博。
年屆60、素有食物焚化爐之稱嘅阿倫，喺開騷前勤力做gym焗桑拿，亦谷出胸肌，但佢未有戒口，佢喺年初一就喺蘭芳園食鮑魚，晚餐就有髮菜做餸。另一邊廂嘅阿B仲犀利，佢雖然都57歲，但亦練出六嚿腹肌同老鼠仔。
年屆60、素有食物焚化爐之稱嘅阿倫，喺開騷前勤力做gym焗桑拿，亦谷出胸肌，但佢未有戒口，佢喺年初一就喺蘭芳園食鮑魚，晚餐就有髮菜做餸。另一邊廂嘅阿B仲犀利，佢雖然都57歲，但亦練出六嚿腹肌同老鼠仔。
積極練肌肉嘅阿B，展露出腹肌同老鼠仔。
阿倫同阿B一向合作無間。
隊友排舞時，陳友（左）喺旁邊影相。
「呢個年紀唔容易」
噚日阿B接受電話訪問，佢話重拾20年前拍《新精武門1991》演瀟灑哥時嘅六嚿腹肌風采，佢話因為三個月前為拍台灣電影《微光閃亮第一個清晨》嘅床戲開始練靚身形：「六嚿腹肌好難練，但總有事業線嘅，自己盡量戒消夜，到呢個年紀要keep唔容易，要有體力同好有決心，我一個星期有三日跟教練上堂，做帶氧運動，食少啲有碳水化合物嘅食物，戒煎炸食物。」
問阿B係咪同阿倫鬥fit？阿B笑住話：「我哋係實力派，良性競爭，畀啲壓力佢，阿倫都要fit，佢嗰隻係脂肪分拆，不過總未分拆到上市，佢咁多朋友又為食，同埋我都未去到佢嘆世界嘅境界。」
問阿B係咪同阿倫鬥fit？阿B笑住話：「我哋係實力派，良性競爭，畀啲壓力佢，阿倫都要fit，佢嗰隻係脂肪分拆，不過總未分拆到上市，佢咁多朋友又為食，同埋我都未去到佢嘆世界嘅境界。」
阿B帶埋囡囡去錄音室練歌。
操弗咗嘅阿倫玩自拍。