香港馬圈情況特殊，由於環境與制度問題，故事情比較急功。

記得以往馬圈比較重情，甚少會出現轉倉情況，一個馬主如果擺得馬喺嗰個倉，冇事冇幹唔會輕易拉走，大家關係恍如朋友般，啲馬亦會襟跑好多。

之但係時代進步，賽事頻密，操馬手法不一樣，馬匹競賽壽命隨之縮短，目前正常計三、四歲盡榨，五歲已經問題多多。

之但係卻不適用於100分以上嗰批馬，唔知係咪同練馬師處理手法不同有關?高分馬向來都係馬房名利角力場籌碼。

投注站趕得上限時重開，冠軍騎練拉扯緊湊，為受疫情影響嘅馬季煞科添光彩。

夕陽無限好，進入馬季倒數，求勝心切仍有好多馬，好似苗禮德周日（21日）田戰兵團。

第十場三班1400米「真妙星」上次贏條街，去咗苗廐後已兩Win。

睇番佢馬房今季暫時27Win中，有好多都係轉倉馬所贏。

頭場五班1000米「鋒仔」、第四場四班1200米「快樂凱旋」同樣加盟苗廐冇耐，前駒只剩10分，已經完全冇包袱。

至於「快樂凱旋」由梁家俊換上賀銘年，擺明搏殺格。

其實周日精彩節目何其多，除咗有天文奇景「食甚」，仲要係父親節。

最近馬會拍攝一齣短片，用父子形容方嘉柏同何澤堯關係，周日呢對哎吔父子兵合作五駒。

第五場四班1200米「顯心星」，這匹超級馬谷轉田無難度。

第七場四班1600米，「捉金皇」壓倒44分歷史性新低，一撳掣隨時發射。

亮點當然係跑第八場G3精英碟的「川河尊駒」，今季話晒贏過馬王「美麗傳承」，鞍上人正是今季所贏獎金逾億元的何澤堯。

呢位「一億男」周日能否藉風雲變色之時再創新高？不妨拭目以待。

--------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199