「去影城梗係想睇明星，去立法會梗係想見議員㗎嘛！」呢句說話唔係八方講，而係出自民建聯議員蔣麗芸，事緣佢今日喺立法會2樓準備出席會議前，撞到班嚟參觀嘅小學生，見到小學生們個個拎住手機四圍望，就主動行埋去問大家係咪搵緊議員合照，一問之下仲發現小學生嚟自牛池灣嘅德望學校，原來係自己嘅小師妹。

同門師姐妹親切感即時湧出嚟，但八方問元秋仲記唔記得點唱德望校歌，但佢話以前早會好少唱，所以已經唔記得。一班小師妹就即場演唱校歌，立法會即時仙樂飄飄。

查實元秋唔記得點唱德望校歌好正常，事關佢讀咗幾年就轉咗校。身為工業家蔣震二女嘅元秋話，佢話嗰陣德望係貴族學校，門口泊滿接同學仔嘅私家車，得佢要包白牌車返學放學，後來屋企環境唔好，所以轉咗去秀茂坪嘅潔心小學，行路就返到學，慳返啲交通費同學費。

元秋仲話，由於屋邨小學整體水平冇咁好，以前喺德望成績只得中下游嘅佢，轉咗校唔使點讀英文都攞100分。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI