行山為健康、睇靚景同影文青相，可能都係好多人嘅目的。所影嘅大自然，大家又了解幾多呢？其實行山可以更有意義，環保觸覺「綠步郊野2018」可以俾各位行山友係3月挑戰啦！

環保觸覺「綠步郊野2018」係一年一度嘅慈善籌款活動。目的係加強市民嘅自然保育意識，培育大眾對自然環境嘅興趣同關注。大家可以認識不同嘅植物，而且學懂保護自然生態。林蔭郊野除咗提供休閒康樂用途，另一主要用途就係分隔城市同生態敏感地區，為動植物提供天然棲息地以保育香港自然生態。大家透過呢個活動體會人類同自然係密不可分，更要響應「自己垃圾自己帶走」，避免污染同破壞郊區環境。

活動已經開始報名，有興趣嘅人就快手！今次路線難度為中級，所以建議具行山經驗嘅人參與。每個參加者都有最低籌款額，大家加油啦！

環保觸覺「綠步郊野2018」
日期：2018年3月25日 (星期日)
路線：八仙嶺郊野公園—鶴藪燒烤場起步 → 鶴藪水塘 → 衛奕信徑第八段（逆走）→ 九龍坑山 → 大埔頭（終點）（全程約8公里，需時約3.5 - 4小時）
＊是次路線難度為中級，建議具行山經驗之人士參與＊


詳情請瀏覽： http://greensense.org.hk/charityhike