早年港產片喺海外都大受歡迎，《英雄本色》更係韓國人心目中嘅經典電影，從而令到周潤發(發哥)、「哥哥」張國榮喺韓國都好紅。

發哥一向熱心公益，去年有報道指發哥捐晒15億身家設立慈善基金，引起網民熱議，此事喺韓國都被廣泛報道，發哥獲韓國網民、媒體人大讚「令人敬佩」、「真正嘅英雄本色」。而MBC綜藝節目《真實故事探索隊》於今年10月特地來港，就發哥捐身家嘅話題進行採訪，而相關節目將於今晚播出。

據悉今次係發哥相隔10年再與韓國媒體會面，而製作組為咗與發哥見面，更自製咗橫額，發哥又與製作組自拍留念，並用韓文講「我愛你」冧粉絲。《真實故事探索隊》將公開發哥嘅日常生活，並談論佢捐出全副身家嘅因由。

精選韓流，喺晒《娛果》
http://fb.com/appledailyent