陳冠希（Edison）嘅「前世情人」Alaia，轉眼已經有半歲大，Edison由最初唔想囡囡曝光，到經常喺社交網貼囡囡萠照，更有大陸網民話估唔到Edison會係「炫女狂魔」(新聞連結： http://bit.ly/2gZljAa )。

陳家上下更加對屋企添咗一個B女開心到爆，早前Edison先至帶埋囡囡，孖住女友秦舒培同媽咪去咗日本玩，今日佢家姐陳見飛就喺ig貼咗一張爸爸陳澤民，同Edison一家三口影嘅温馨家庭照，頭髮多多嘅Alaia由爺爺抱住，眼望望喺度玩手指，秦舒培就做咗個作狀要錫囡囡嘅相，而Edison就將頭髮剪短到好似啱啱出道嗰時咁短，笑容滿臉嘅佢仲精神咗好多咁，囡囡嘅影響力果然厲害。