亞洲電視上月要求員工背誦象徵亞視文化的「員工八條」後，有指亞視近日已開始抽查員工是否能背誦「八條」，又將「八條」縮印成貼紙，讓員工貼於職員證背面。據悉，有兩名新入職員工因未能即時背出「八條」而被口頭警告。
「最緊要做得到」
亞視人事及行政高級經理羅嘉邦昨接受訪問時說：「上年年尾亞視重整咗新一本員工手冊，冇理由叫人袋喺身，咪縮影貼喺員工證後面囉。」至於有人因未能背誦至被罰，羅嘉邦說：「冇咁嘅事，員工背到當然好，但最緊要都係做得到。」
李婉華與饒林紅昨於灣仔拍攝《八號巴士》，李婉華對此說：「唔知咁大件事，咁小題大做？我未得閒返去攞貼紙，我都未背到呀。平時要背劇本，𠵱家又要背呢樣，背唔到咁多嘛。」
饒林紅則謂未取規條，她亦未有時間背誦，她還說：「本嘢（員工手冊）都唔知放咗喺邊啦！」
藝員不用掛證
陳煒昨在電話中表示她雖已取得縮影版「八條」，但藝員返電視台不用掛員工證，而她亦未背過規條，陳煒說：「我又唔係智慧有問題，有讀過書嘅都背到啦，不過我冇收過通知話要背。」
記者昨到亞視，發現門口更亭的保安，以及出入的員工，每位都將職員證掛在胸前，而證件背面則貼有「八條」。
採訪：陳梅香、梁詠怡、駱華齡
攝影：梁詠怡、陳梅香