一架原價40萬左右嘅紅色Benz，行咗5年，二手賣番出去，可以賣幾多錢呢？呢個問題就等莊思敏答你喇，係十八萬，點解佢會知？因為莊思敏就係賣車嗰個人啦。

今日莊思敏喺微博貼咗幾張車相，就話：「出讓，18萬，行咗58000km。有興趣私信我。」貼咗出嚟之後，都有網民話好抵，但就話紅色就難放啲，亦有網民表示有興趣，但因為住喺內地，所以想買都買唔到。唔知係唔係莊思敏呢排搵多咗，所以要換過架車呢？