Patrick Sir赤膊晒太太孕照 關宛珊陀男B：屋企好重陽氣

蘋果日報 2021/01/26 07:14

林溥來關苑珊懷孕
    今日Boxing Day，43歲的Patrick Sir林溥來和35歲的太太關宛珊（Kimmy）宣佈造人成功，恭喜晒！Patrick Sir在IG貼上夫妻「床照」，他赤裸上半身，陪腹大便便的太太一齊影合照，透露太太陀B仔，笑言加上愛犬Don Don可以組成超級男團。
    Patrick Sir說：「聖誕快樂！係呀，你冇睇錯呀，你睇到嘅呢個天使化身係我老婆Kimmy呀！見到佢個肚多咗啲嘢？嗰個係上天送俾我哋嘅聖誕禮物嚟㗎，份禮物我哋5個月前已經收到，仲睇住佢越嚟越大，而老婆面上嘅笑容就越嚟越甜。選擇喺呢個普天同慶嘅聖誕節及Boxing Day同大家一齊拆禮物，就係想將我哋呢份喜悅同各位分享，為大家喺疫境中打打氣，增添正能量！感謝上天送俾我哋嘅新生命，亦希望世界從此換上新氣象！ 老婆，雖然每次問你你都話唔辛苦，但係我都要再講多次：幸苦你喇！嚟緊你要對住我同Don Don加BB呢個超級男團，你一定要有更多嘅耐性，但係我保證我哋必定努力為你奉上幸福、快樂！」
    關宛珊亦有留言分享喜悅：「由我哋拍拖開始就已經存在第三者（愛犬Don Don），而家仲多咗個第四者，呢個第四者好乖，喺我哋搬好屋settle好，喺我完成N3日文呢個目標嘅當日，先俾我哋知道肚裏面住咗個小居民，我哋繼續去邊都帶埋呢兩個電燈膽，一家四口開開心心，Happy Boxing Day。#LittleResidentInMyWomb #ASpringBabyIsComing #成屋都係男人 #DonDon已經唔肯望我個肚 #DonDonBB。」
    關宛珊今日接受傳媒訪時，透露懷孕5個半月，生BB是計劃之中：「我哋計劃咗今年搬屋settle好之後就努力造人。」問到疫情下陀B會否很擔心？她說：「當然會，不過自己做好啲都ok，心情輕鬆嘅，每次去完產檢後，都即刻番屋企換晒啲衫先，今年見屋企人都只係見過一、兩次。雖然有啲似監禁咁，但都開心嘅，而家唔使去買餸，通常都係Patrick去街市買番嚟，呢段時間辛苦晒佢。」她透露預產期是明年4月，笑說：「屋企好重陽氣，成屋都係男人，我老公+BB+我隻狗狗可以組個男團。」
    empty
    Patrick Sir和太太關宛珊宣佈造人成功，太太預產期是明年4月。（IG圖片）
    empty
    Patrick Sir第一次做爸爸，心情興奮。（IG圖片）
    empty
    疫情關係，關宛珊平時都好少出街，連買餸都要老公代勞。（IG圖片）
    empty
    關宛珊預產期是明年4月。（IG圖片）
    empty
    關宛珊笑言屋企陽氣越來越盛，因為愛犬Don Don都是男仔。（IG圖片）
    empty
    他們視Don Don如一家人。（IG圖片）
    empty
    Don Don已經12歲喇！（IG圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！