日本性感女星蒼井空,近幾年無啦啦係內地爆紅,經常獲邀出席活動、拍廣告、到夜店表演等等,照計應該搵好多,不過,佢噚晚喺一個日本電視節目上就自爆,其實佢係月薪制,每個月都收唔夠100萬日圓(約63,000港元)。
蒼井空噚晚上咗東京電視台一個綜藝節目,幾個主持人一直問佢喺中國嘅情況,同埋喺中國有幾紅,又話佢拍好多廣告一定搵好多錢,不過,蒼井空就話自己只係大約知道代言價,但實際收咗幾多就唔知,因為佢自己收月薪,月薪亦唔到100萬日圓,令在場人士好驚訝。佢最近又拍咗個內地新廣告,叫男士們小心自己個腎,呼籲男士去檢驗,仲攞住寫住「嚴重腎虛」嘅紙扇,好搞笑。
另一名AV女優希崎Jessica亦係該節目嘉賓,佢仲爆曾經有人用錢叫佢約一啲AV女優同模特兒去亂交派對,但佢拒絕咗喎。