周柏豪今日到商台宣傳新碟，佢話今次係第八張個人大碟，主要以勇氣為主。柏豪話入行時曾被相士要求改名，不過個名太女性化，佢又感到核突，所以決定用返真名，但家人不時以該核突名稱呼佢。

另外，柏豪又話有相士勸佢盡量唔好做高危動作，所以佢原本想到澳洲拍跳傘封面，最後都係要取消，咁相士有冇指點佢姻緣，佢就話向來信自己，感情事更加唔好強求。

此外，柏豪表示若果新碟銷量喺iTunes維持兩星期第一位，佢樂意喺街上被水槍任射當慶祝。