第七場二班1800米港大校友會挑戰盃，出馬少預期步速慢，極考驗馬匹爆發力。「極速」由高伯新接手訓練之後，陣上一再交出強勁爆發力，前仗2200米後上力迫經典盃盟主「酷男」屈居第二，當日末段造21秒96超快時間，拋離第三名「威風猛將」兩馬位，長途實力值一班，至少仲有十幾分喺手。今次配上好師傅巫斯義跑長途，有力贏馬捧盃。
「文藝復興」來港適應快，近三仗能在不同路程及場地贏馬或上名，遲早可衝破一百分，如今跑二班賽，當屬爭勝要角。「星爾頓」長途一定啱，負113磅輕飄飄，有突擊本錢。「期惑」在港唯一上名正是同程不敵「詠彩繽紛」及「好靚仔」，回師此程必有所圖，要兼顧。