家陣好似越嚟越多球星有自己嘅銅像畀人供奉，現役同傳奇都有，今次喺印度首都加爾各答揭幕嘅12尺高銅像，就係屬於阿根廷球王馬勒當拿。

銅像係照住佢喺1986年替阿國捧走世界盃個樣而鑄造的，當時老馬得25歲，同家陣57歲個樣當然有好大出入，至少當時一把蓬鬆嘅頭髮，家陣已經唔見咗，但網上都有好多人插話個銅像唔似佢，就好似當日基斯坦奴朗拿度（C朗）喺家鄉揭幕個尊銅像一樣，劣評如潮。

有人話老馬銅像似水晶宮領隊鶴臣仲多啲，笑話造銅像班人係咪搞錯咗，但如果叫我哋香港人望落去，個樣好似好熟喎...呀，係發哥周潤發呀！塊面個輪廓好似。

本來話個銅像九月就會揭幕，家陣延遲咗3個月後先出爐，點知都係一樣出事。

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS