韓國年度樂壇盛事《MAMA音樂頒獎禮》已連續五年喺香港舉行，早前傳出《MAMA》今年將會分別喺日本大阪及香港舉行，今日終於有官方消息，表示今次《MAMA》有新意思，舉辦為期一星期嘅慶典活動，而且落實再次來港！

《MAMA》方面今日表示，《MAMA音樂頒獎禮2017》於11月25日至12月1日，分別喺越南、日本及香港三地舉辦。是次《MAMA》先於11月25日喺越南Hoa Binh Theatre舉辦，之後11月29日去日本Yokohama Arena，然後再移師香港，分別於11月30日喺W酒店及12月1於亞博館舉辦。