第21屆美國影評人之選大獎頒獎禮（Critics'ChoiceAwards）今日於加州聖莫尼卡舉行，吸引咗唔少影星名人出席。紅地毯上，最搶眼嘅係美國女星希丹彭妮蒂亞（HaydenPanettiere），早前因為產後抑鬱症入院治療嘅佢似乎已經康復哂，成個人都開心咗。心廣體胖咗少少，手臂好有肉地。不過佢同時亦升咗cup，着條超低胸裙現身相當養眼！

再次懷孕嘅38歲女星莉芙泰萊（LivTyler）捧着個肚現身，佢仲着高踭鞋及高衩裙，大騷迷人美腿做靚靚大肚婆。
至於珍妮花雅麗絲頓（JenniferAniston）亦都係着高衩裙，不過佢就正面高衩，真係行大步啲都走光，佢就拖實老公JustinTheroux出席。另一位晒恩愛嘅仲有剛訂婚嘅名模露絲亨廷頓韋莉（RosieHuntington-Whiteley），着性感露背裝嘅佢同積遜史迪咸（JasonStatham）現身。