當年今日
關於我們

【禍不單行】淥親手 又傷過尾龍骨 邵音音去年曾心絞痛昏厥

蘋果日報 2017/12/01 16:05

邵音音

67歲嘅邵音音噚晚喺一個慈善活動上分享抗癌經歷,並透露自己患上癌症,但唔打算醫。邵音音今日接受《蘋果》電話訪問時直認生皮膚癌。
其實近年音音姐身體經常出現毛病,去年佢去韶關出席活動時突然頭暈,原來係心絞痛,需入院接受急救,之後音音姐返到香港後證實是心臟大動脈撕裂,回港再入院接受治療,因為音音姐話大動脈撕裂好痛,會痛到翻白眼同抽筋,佢仲話當時一度失去知覺。音音姐出院後明顯消瘦咗,佢話自己乜都慢咗,唔單止行得慢、講嘢又慢,連思考都慢埋。
音音姐去年禍不單行,去年底又傷腰,佢起身時唔小心差錯腳跣倒,令尾龍骨破裂,因為位置要自然癒合,佢都仲曳曳着高踭鞋出席活動。
至今年初音音姐出席活動,被發現左手包着紗布,佢話食杯麵唔小心畀水淥親手,傷口第二日開始甩皮同疼痛,但佢冇時間睇醫生。音音姐近年身體經常現毛病,叫身邊朋友擔心,佢話大家都勸佢退休,但佢敬業樂業,熱愛演藝工作,永不言休。

更多娛聞,喺晒《娛果》
http://fb.com/appledailyent
empty
邵音音近年經常受傷,但佢依然樂觀面對。(資料圖片)