備受港台員工尊敬、人稱「張大姐」的前廣播處處長張敏儀，身在加拿大接受《蘋果》查詢時表示，她與梁家榮不稔熟，但認為梁家榮熟悉傳媒運作和經驗，總比由政務官「空降」擔任處長來得好，或可暫紓緩員工的不滿，「港台爭取公營廣播機構身分爭取得咁辛苦，係要有傳媒經驗嚟做先得，所以上一屆由AO（政務官）來做（處長），啲同事就咁反感。同事希望有傳媒經驗嘅人嚟做（處長），梁家榮都做咗好多年」。

張敏儀認為，梁家榮起碼經歷了香港回歸前後近廿年的風浪，相信他有足夠經驗應付，但指「唔好淨係講香港電台，根本傳媒係非常之難做，各方面壓力都咁大，港台呢個政府部門嘅身份，緊箍咒咁箍到香港電台」。她又寄語港台同事頂住壓力：「同事撐咗咁耐，一直撐，繼續堅持下去，唔會就咁放棄。」

張敏儀希望梁家榮就算有傳媒經驗，都要了解甚麼是公營廣播機構精神「同啲同事合作啲」，希望對方作為總管，能夠支持前線。