【英國返港】容祖兒做足預防措施上機 全程冇去廁所自覺好勁
蘋果日報 2020/03/13 18:13
英國容祖兒
容祖兒早前赴荷蘭、英國等地舉行巡迴演唱會，不過巴黎站因受疫情影響而取消，令不少歌迷失望，今午祖兒由倫敦返港，見她頭戴帽加眼鏡，心口和手袋都有空氣清新機做足準備。
祖兒透露在機上完全沒有去過洗手間：「我都覺得自己有啲勁，只係小心翼翼地飲水，同埋狂抹手，唔好掂塊面，戴眼鏡盡量保護好自己面部。」舉行完世界巡迴演唱會回港後，祖兒暫時小休，如無改變，3月21日會到馬來西亞繼續巡迴演出。對於巴黎一站取消，祖兒說：「當然希望將來可以再到巴黎演出，但以安全健康為主，會密切留意世界疫情，巡迴仲有幾站。」
祖兒回港後稱會自我隔離，並說：「媽咪現時身體康復中，自己會喺房食飯，返屋企會即刻全身消毒同沖涼，鞋會放出門口，唔好接觸人，出廳會戴口罩，本來朋友都話約食飯，我都推咗，起碼相隔一星期先再算。」
（攝影：陳慧安）
剛從英國返港的容祖兒，稱回港後會自我隔離。