當年今日
關於我們

隔牆有耳:選民要投票畀四萬 - 李八方

蘋果日報 2008/08/15 00:00


舊年梁家傑袋巾選特首期間,搵咗80幾歲嘅張伯撐佢,聲言希望有生之年,可以投票畀袋巾做特首。袋巾一如所料輸畀煲呔,今年捲土重來,不過只係喺九東選立法會啫,但佢都冇忘記呢位年長fans,噚日帶埋陳太一齊去探張伯。
點知張伯一見到陳太就即時移情別戀,笑笑口對住陳太講:「如果你參選特首,我實投你(一票)」。𠵱家選議員,唔係選特首喎,袋巾則順水推舟,叫陳太考慮吓張伯提議。陳太雖然笑到四萬咁口,但都係多謝張伯好意,話自己一把年紀,選特首未免太老,呼籲張伯慳番先,投票畀袋巾好過。張伯又批評煲呔對民主只係「得個講字」,一講到民望如浮雲嘅言論,更話「我頭暈」,事關「佢講嘢好離譜。」