澳門上月下旬遭受當地歷來最強的颱風「天鴿」直襲，善後工作以民間自發為主，不少澳門人對政府緩慢的救災安排感到不滿。適逢9月17號便是第六屆澳門立法會選舉投票日，不少選民指今年會投票，控訴政府在風災處理上的不足。有學者估計，風災將刺激游離選民投票意欲，但各候選人似乎未有把握機會爭取選票。

澳門大學政府與行政學系助理教授鄺錦鈞指，風災的確令市民對澳門政府有相當多不滿，估計會刺激投票率，特別是一批游離選票，「能否掌握點響風災議題表態，會係增加今次選舉的關鍵」。不過根據他觀察，各候選人在風災後都較為被動，似怕背負「抽水」罵名，放軟手腳先讓政府處理善後，錯失爭取民意良機。

公務員李先生以往每屆都有投票，風災後更要投票，「今年一定會出嚟投票，作為年輕一輩，要支持返自己…可以為我哋發到聲嘅議員。」問及風災會否激勵更多市民投票，「我相信都會影響到年輕一輩企出嚟。」他指今次政府在處理風災的反應過慢，協調不佳，「我相信呢個時候政府應該要比以前積極，唔可以仲係以前咁樣，處理事情太過慢。」他料風災襲澳會提高今屆投票率，「相信有好多平時比較政治冷感嘅年輕人都會投票。」

同是公務員的劉先生亦相信政府在處理風災上有不足會令政治冷感的年輕人投票，「因為好多（賑災）義工走出嚟都係年輕人嚟嘅，咁我相信都會有啲影響嘅，以前就會少啲，今次就會熱心少少」。

退休人士李先生指自第一屆便開始投票，今屆亦會投票，「風災嗰陣有啲人出嚟做嘢，咁有啲人都有參選呢個今屆立法會，咁啲人見到佢哋有出嚟做嘢，或者會更加投佢哋一票。」李先生認為近年多年輕人參與政治活動，選舉氣氛比以往強，「今次風再死咗10個市民，10個之中多數都係年輕人，佢哋啲朋友都會有好多嘅不滿，會出嚟投票。」李先生指澳門政府在風災處理上有不足，決定投給真正服務澳門的候選人，「有啲係為咗自己利益嗰啲我就唔會去投啦。」

剛升讀大學一年級的黎同學是「首投族」，他認為投票是盡公民責任，自己心儀民主派候選人，「投啲會為澳門出聲嘅候選人。」風災後黎同學投票意欲更強，因風災揭示政府的管理不足，「氣象局出得慢，嗰啲風球消息好慢，啲措施做得唔好。」