畢佬開腔講被襲：「個癡線佬想將塊面哄埋我下體」
蘋果日報 2014/06/03 06:00
畢彼特
畢佬話：「個癡線佬想將塊面哄埋我下體」。- 早前喺洛杉磯出席未婚妻安琪蓮娜祖莉（AngelinaJolie）主演嘅《黑魔后：沉睡魔咒》（Maleficent）。
- 烏克蘭記者VitaliiSediuk被捕。
0依家喺上海嘅荷李活巨星畢彼特（BradPitt），早前喺洛杉磯出席未婚妻安琪蓮娜祖莉（AngelinaJolie）主演嘅《黑魔后：沉睡魔咒》（Maleficent），被烏克蘭記者VitaliiSediuk襲擊。
畢佬今日發咗篇聲名俾《People》雜誌講番件事，澄清佢冇被記者打，只係對方想將塊面哄埋佢下體度，內容嚴肅之餘又帶點幽默。
畢佬表示：「我嗰陣企喺最尾簽緊名，我眼角見到有個人跨過圍欄，向我撲埋嚟。我行後一步，呢個男人掹住我西裝領口。我望下面見到呢個癡線佬想將佢塊面哄埋我嘅下體，所以我敲咗佢後尾枕兩下，唔係太大力，但係夠吸引到佢嘅注意，因為佢都有放手。我諗佢之後想搵嘢捉住，因為其他人捉住佢，跟住佢企起身整到我副眼鏡。我唔介意博出位嘅人，但係如果呢個人繼續係咁，會搞到等咗成晚想拎簽名同合照嘅粉絲好掃興，因為會令人喺人群之中更加小心謹慎。仲有，佢應該要知道，如果佢再望人裙底嘅話，佢將會被人踩。」
畢佬今日發咗篇聲名俾《People》雜誌講番件事，澄清佢冇被記者打，只係對方想將塊面哄埋佢下體度，內容嚴肅之餘又帶點幽默。
畢佬表示：「我嗰陣企喺最尾簽緊名，我眼角見到有個人跨過圍欄，向我撲埋嚟。我行後一步，呢個男人掹住我西裝領口。我望下面見到呢個癡線佬想將佢塊面哄埋我嘅下體，所以我敲咗佢後尾枕兩下，唔係太大力，但係夠吸引到佢嘅注意，因為佢都有放手。我諗佢之後想搵嘢捉住，因為其他人捉住佢，跟住佢企起身整到我副眼鏡。我唔介意博出位嘅人，但係如果呢個人繼續係咁，會搞到等咗成晚想拎簽名同合照嘅粉絲好掃興，因為會令人喺人群之中更加小心謹慎。仲有，佢應該要知道，如果佢再望人裙底嘅話，佢將會被人踩。」