當年今日
關於我們

隔牆有耳:乳鴿夠勤力 為黨添實力 - 李八方

蘋果日報 2011/11/16 00:00


唐唐「中伏」出洋相,一班民主黨80後候任區議員何嘗未試過踩蕉皮?喺黃大仙彩雲南勝出嘅沈運華自爆選舉期間被敵軍周圍唱,話投佢票就有錢攞;有婆婆信以為真想「㩒錢」,好彩有街坊幫手澄清,先至冇畀謠言累死。
喺劉江華發迹地沙田秦豐砌低公民力量梁志堅嘅陳諾恒亦幾乎中招,對手以為有鐵票在手surewin,一直零拉票,好彩恒仔冇因此hea做,否則不能打破公民力量不敗神話。此仗贏得漂亮,呢班80後「區仔」雄心壯志,希望明年立法會有機會同大佬分拆名單參選。喺葵青長亨勝出嘅林立志表明要「練好功夫等運到」。李永達意外墮馬後,反問徒弟林立志可唔可以請佢做助理,認真幽默。