【新增影片】

南非騎師利敬國今季來港發展成績不俗，目前已經勝出12場頭馬，練馬師何良今次都要找他幫手，周三（5日）第二場五班快活谷1200米「寶驫有盈」交由他搏殺。

今朝（4日）何良睇完馬匹試閘，立即響飛機坪捉住利敬國，兩個人傾咗十分鐘，期間何良不時手舞足蹈，非常緊張。

「寶驫有盈」今季跑過三場五班快活谷1200米，最好成績跑第五。不過始終上季能夠在四班跑同程得第二，如今降落五班出賽，絕對不會吃虧。

這匹馬仍未曾打開在港勝利之門，今次有利敬國壓陣，係時候起筷。