韓國年度盛事《MBC演藝大賞》於今晚喺首爾舉行，由主持人全炫茂、天團BIGBANG成員勝利及女團Girl's Day成員惠利擔任主持人，一眾藝人率先現身紅地毯環節。

40歲嘅全炫茂及35歲模特兒韓惠珍，因合作MBC節目《我獨自生活》而撻着，不過本月初兩人被指因喺節目零交流，從而傳出分手傳聞，全炫茂及韓惠珍事後否認分訊。全炫茂、韓惠珍今日合體孖住《我獨自生活》嘅朴娜萊、李施彥等人現身紅地毯，以行動粉碎分手傳聞，力證兩人仍然恩愛。韓惠珍今日穿上低胸透視長裙性感現身，全炫茂就一直跟喺女友身後，驚佢踩到裙擺而跌親。

另外，女星金所炫今日以一身紫色長裙示人，顯得成熟優雅。

精選韓流，喺晒《娛果》
http://fb.com/appledailyent