當年今日
關於我們

隔牆有耳:陶君行贏到開巷 - 李八方

蘋果日報 2007/12/05 00:00


補選大戰落幕,泛民贏番個勢,除咗陳太,仲有一個贏家,就係社民連秘書長陶君行。佢上周末投票日前夕同幾個老友討論最新選情,各人發表偉論分析形勢,結論係冇結論,兩太五五波有得鬥。陶君行心血來潮開咗個盤,陳太讓葉劉一萬票。
據講當日有好幾個人買下盤,即係葉劉輸少於一萬票就當贏,其中一個係學者馬嶽。佢事前評估葉劉贏萬幾二萬票,所以買硬葉劉。星期一凌晨選舉結果揭盅,陳太贏凸三萬幾票,呢場牙骱戰陶君行贏到開巷。佢噚日牙擦擦同八方講,佢打選戰多年,點會輸畀啲齋噏嘅學者「塘邊鶴」?