美國女歌手Kesha喺2014年尾入稟美國法院,控告同佢合作近10年嘅唱片監製Dr.Luke,直指自簽約後,不斷被Dr.Luke進行性侵、強逼吸毒及情緒虐待,Kesha希望可以擺脫對方操控,不過案件日前被判敗訴,佢需要繼續與Dr.Luke履行合約。
雖然被判敗訴,不過Kesha仍獲唔少圈中人同埋fans力撐,除咗Adele趁住英國樂壇盛事BritAwards為Kesha打氣外,過來人LadyGaGa都身體力行,向Kesha又攬又錫向對方送上溫暖,又拖住手合照支持Kesha。
Kesha初出道時被視為GaGa接班人,GaGa早年受訪都驚爆自己19歲時曾被一名唱片監製強姦,更指自己經歷過可怕嘅事,當時一度傳出性侵Kesha嘅Dr.Luke就係強姦GaGa嘅唱片監製,不過GaGa發言人當時作出否認。