三十八歲的阿燕和四十二歲的阿耀，各自經歷過不如意的婚姻，兩人尋尋覓覓，最終走在一起。上月七日，阿燕和阿耀正式註冊結婚，雖然沒有華麗婚紗，亦沒有堂皇晚宴，但甜蜜的感覺，卻永遠留在阿燕的回憶中。
「好多朋友都笑我儍，同一個末期癌症病人結婚，但呢個一直係阿耀嘅心願，為咗佢，我冇後悔。」情深的阿燕說。
正值盛年的阿耀，於九九年患上腸癌，當時他僥倖逃過鬼門關，並很快康復，重過正常的生活；二○○三年初，其癌症第二度復發，並到達藥石無靈的地步，自此健康每下愈況，不但無法工作，更要阿燕貼身照顧。

腸癌復發不治
上月尾，阿耀因為不適再度入院，留醫數天，延至本月三日終告不治，遺下新婚妻子。阿燕哽咽道︰「呢幾個月佢真係好虛弱，癌細胞擴散晒全身，我睇見佢咁樣，覺得好心痛，𠵱家佢去咗，算係一種解脫。」
阿耀臨終前囑咐妻子代辦身後事，阿燕連日來為此四出奔波，卻因缺錢辦殮葬，令辦理身後事進度受阻。「最近兩年，為咗醫阿耀個病，我哋已經將以前辛辛苦苦儲落嘅積蓄全部用晒，我自己親戚朋友又唔多，今次都唔知去邊處搵錢，幫老公搞身後事。」