今朝講到慕詩（130）個AnnualDinner，單係主題擺設，就已經睇到誠意十足，所以當晚節目又點會冇驚喜呢？

當晚除咗有太子爺陳柏熹親身模仿「哥哥」張國榮拍咗《Standup》MV，盡情發揮扮嘢天份外。平時上親台都係講股票嘅青姐，當晚竟擔當神秘嘉賓，即席獻唱一曲《數字人生》，真係連揀歌都要同number有關呀！

首歌會唔會內有揀股玄機就唔知；但肯定嘅係，單聽到青姐話要唱歌，已足以掀起當晚高潮！台下唔少男士，包括老闆陳欽杰（Boby）更上台獻花，仲有人拉住青姐要自拍，證明青姐Fans的確非常多。

青姐咁受男士歡迎，唔知陳老闆有無考慮搵青姐做代言人，sell專業女強人style呢？