諾懿說:「細個唔小心喺冬天跌咗落水,冷病咗,可能當時處理得唔係太好,嗰時開始有哮喘。每逢轉天氣、聞到天拿水、硫磺就會病發,尤其放煙花,拍戲聞到火藥味都會引發哮喘。」黎諾懿憶起自己的「大頭蝦」經驗:「有次到老婆去日本旅行,上咗阿蘇火山觀光,突然一啖氣好多硫磺味,隨即誘發哮喘,氣管即時收縮,即刻同老婆講要返車攞藥,好彩有帶去旅行,唔係就會好辛苦,始終哮喘發作可大可小,如果一直透唔到氣,就要入院緊急治療。」他表示近年情況已經好轉:「自從拍《愛回家》後已經keep住做運動,所以現在都減少病發。」而最近疫情關係,諾懿亦多了親子時間,並會更加注意個人衞生及健康,減低患病風險。