當年今日
關於我們

【惹人揣測】老公被爆係空心老倌?林夏薇:只要身正就敢坦然面對

蘋果日報 2018/12/20 20:15

空心老倌林夏薇貼街招莫贊生

31歲嘅林夏薇喺15年秘嫁身家逾20億嘅金融才俊莫贊生(Jason),婚後薇薇過住幸福嘅少奶奶生活,得閒同老公去吓旅行,又坐遊艇出海,真係令唔少人葡萄!之不過日前《蘋果》見到,喺將軍澳電視城附近嘅圍欄貼咗唔少薇薇夫婦嘅街招,內容寫住﹕「金融才俊,其實係空心老倌,老婆生一個BB畀一億,邊有錢畀,提防股壇老千」,當時薇薇以短訊回覆話:「這種行為非常無聊,不值得回應,我們行得正企得正!交畀警方處理,多謝關心。」(新聞連結: https://bit.ly/2PR2T49 )
雖然薇薇話交畀警方處理,但似乎都平息唔到呢個風波,今日再有報道話Jason似乎唔係傳聞中咁富有,名下只有一間疑似與家人聯名嘅居屋單位,甚至報住柯士甸山道嘅獨立屋,亦唔係佢名下嘅物業,因而令人有所揣測。
未知係咪因為近日嘅風波,薇薇今日喺微博連發三篇文章:「人活一世,不爭、不理、不解釋,用不爭彰顯你的大度,用不理詮釋你的從容,用不解釋證明你的品行。只要身正,就敢坦言面對,只要心正,就能一生無愧!」、「很多時候,我們不理不是因為心虛,而是學會了讓步。很多時候,我們不解釋不是因為懦弱,而是讓時間去證明。」與及「做人,別太傻,在不懂你的人面前,說得再多,也是浪費。在討厭你的人心中,做得再好,也是徒勞。與其把時間和精力花在不值得的人身上,還不如留給自己。」
精選娛聞,喺晒《娛果》
http://fb.com/appledailyent
empty
林夏薇今日連發三篇文章,唔知係咪回應被貼街招事件?(微博截圖)