【李八方online】真●「在家工作」 立會秘書處照收議員質詢
立法會秘書處武漢肺炎
多得 香港 政府抗疫不力，武漢肺炎搞到全城人人自危，政府自己都要帶頭推「在家工作」。不過「在家工作」唔係「不用工作」，同樣實行緊「在家工作」嘅立法會秘書處，今日通知議員想入紙喺立法會大會提質詢、議案，可以搵邊位同事，證明「在家工作」都係要工作。
立法會秘書處出電郵同議員講，處理大會事務嘅議會事務部3嘅fax機將會暫時停用，但係佢哋3位同事，會繼續接收議員提出質詢嘅預告、提議案嘅預告，同埋其他有關大會嘅文件等，方法就係用電郵。秘書處仲要溫提班議員，寄完電郵都可以打番電話畀嗰位同事確認，因為啲同事已經將枱頭電話飛咗線去自己手提。
呢啲咪就係做嘢嘅態度咯，你估佢哋係民政總署咩？在家工作就唔去開區議會，仲要無晒影。