郭羨妮日前俾屋企個印傭咬傷後，家個傷口仲有啲痛，尤其打破傷風針個針口都痛，郭羨妮話噚日有僱傭公司嘅人上屋企幫個印傭執包袱，因為個印傭仲未出院，如果一出院就送佢返印尼，等佢唔好再留喺香港危害大眾，佢已經畀咗機票錢同埋佢啲人工，依足勞工法例。郭羨妮嘅前緋聞男友馬德鐘講起呢單嘢就話：「我冇慰問佢，我都冇佢電話。」