【25年前的Fat唇】彭羚自揭被Wyman指好好肉：成塊牛扒咁
蘋果日報 2020/06/29 16:31
林海峰黃偉文彭羚
51歲填詞人黃偉文（Wyman）昨晚在社交網貼彭羚（Cass）合照，這張陳年舊相有20多年歷史，相中的彭羚是當紅期的短髮look，着黑西裝型格十足，而當年的Wyman仍未發福，相信比現在起碼瘦40磅。Wyman不記得是199X年拍攝，寫道：「應該是TVB一廠化妝間，大概是彭小姐做音樂節目我去當嘉賓吧。」
跟Wyman同年的彭羚，明顯比他有記性，彭羚留言：「你當時好似話我嘴唇好好肉，成塊牛扒咁應該幾好錫（當年應該未流行用豬扒作形容詞）。」Wyman回覆：「嗰個年紀成日得罪人，就算想對人好有時都得罪咗人 #利申我係堅愛牛扒嘅。」
有心水清的網民指出，當時是1995年，兩人拍彭羚的音樂特輯《羚的特集》：「呢個特輯好好睇，Cass嗰時都講定佢係想結婚後相夫教子。」由於瘦版Wyman跟現在很大反差，有網民覺得他似歐陽震華、彭于晏，甚至有網民扺死留言：「明明係洪朝豐」黃偉文回覆：「嗱，佢話㗎咋。洪朝豐Fans搞清楚先好呀！」、「你咁有洪朝豐心，衷心希望你第日嫁到個似足佢嘅。」
擁有靚聲的彭羚是九十年代四大天后之一，她的hit歌《小玩意》、《給我愛過的男孩們》、《無人駕駛》、《漩渦》等都出自Wyman詞作。1998年彭羚跟林海峰結婚，育有兩女林泳和林清，之後退出樂壇，直至2012年出山為Wyman作品展擔任嘉賓，網民呼喚彭羚復出，不過其後林海峰指家人投票後反對，「我哋尊重結果，香港未有普選，樂壇都冇，所以復出唔成立。」
黃偉文在社交網晒彭羚舊合照。（網上圖片）
黃偉文比當年肥咗幾十磅。（網上圖片）
2012年彭羚為黃偉文作品展出山。（網上圖片）
彭羚近年努力做Gym。（網上圖片）