久未有新作嘅黃貫中(Paul)晏晝現身商台宣傳新歌《我有分數》同4月9號舉行嘅音樂會，自己對演出抱住好大渴求，亦都開始為演出做準備工作。問到到時會唔會帶埋囡囡黃鶯嚟睇騷？佢話:「應該都會㗎，佢未睇過爸爸表演，以前試過一次老婆帶佢上Studio搵我，於是就即場玩咗首佢成日聽嘅Beatles首LoveMedo俾佢聽，見到佢聽到呆咗。」

講到囡囡，Paul即刻滔滔不絕，仲話自己一直都無作過歌俾囡囡:「身邊好多朋友都會作歌俾自己細路，但係我就一路都未作，正當我好內疚嘅時候竟然聽到囡囡話作咗首歌俾我，首歌叫士多啤梨，成首歌得一句不停唱士多啤梨，但係係全世界最好聽嘅歌。」