已故中共前總書記胡耀邦大仔胡德平嚟咗香港，出席「聖約翰爵士香港兒童弱視基金會」慈善晚會，胡德平話對上一次嚟香港係88年。佢𠵱家係統戰部副部長，對香港梗係唱好，「香港回歸以來，過了10年輝煌的日子，希望未來10年，香港過得更輝煌。」過去10年香港有幾「輝煌」，唔使八方多講，大家心照。
噚晚仲有個高幹到場，就係曾經做過副總理吳儀秘書嘅王錦軍，據講王錦軍𠵱家喺香港上市國企做高層，不過王生卻死口唔認自己做過吳儀近身，「你們搞錯了，我不是。」噚日個晚會聲稱賭王會到場，幾十個記者由下晝5點等到天黑8點幾，先有人話賭王noshow，記者一哄而散。