吳啟華及女友羅泳嫻、關禮傑、黎姿、李思蓓和童星成珈瑩等,昨日在奧海城出席無綫劇集《黑夜彩虹》舉行的「親親爹哋同樂日」宣傳活動,順道跟現場觀眾提早慶祝父親節。
關禮傑昨日帶同八歲女兒關楓馨前來,愛女更贈父香吻,提早慶祝父親節。由於小楓馨的樣子甜美,貌似張栢芝,所以他們一出現即成為全場焦點。
收心心水墨畫
關禮傑表示已收到女兒送的父親節禮物,他說:「囡囡送咗幅水墨畫畀我,幅畫好多心心,聽日父親節我哋一家人會食飯慶祝。本來太太今日都一齊嚟,但係佢要照顧二十個月大嘅細女。」
問關禮傑將來可會讓女兒參選港姐,加入娛樂圈?他說:「拍戲就唔好啦,咁辛苦,做歌星好啲。平時囡囡已經參加好多課外活動,佢都有去朗誦表演,不過,我希望佢讀多啲書。」
而吳啟華和女友羅泳嫻自從公開戀情後,二人出席公開活動都顯得十分避忌,昨日他們亦有默契地保持距離。吳啟華全程黐實黎姿,而羅泳嫻則跟李思蓓做孖公仔。
問吳啟華為何不肯跟女友合照,他說:「我講咗幾十次話唔影相,拍拖係私人嘢,大家都唔想影響工作。」吳啟華早前在台灣拍劇弄傷背肌,昨日他因腰痛未能抱小朋友玩遊戲。
陳伯下周出院
此外,富豪風水師陳伯仍在養和醫院留醫,他的契女黎姿昨日說:「陳伯病情好穩定,佢過多一個禮拜就可以出院,到時唔會即刻返四川,會留喺度休息吓先。我希望大家唔好搵佢睇風水,或指點迷津,咁樣會好費神。」黎姿昨日落台派紀念品給現場觀眾時,觀眾熱情上前搶紀念品,嚇了黎姿一跳。
採訪:卓寶花
攝影:何國豪