正牌自由黨近日幾乎日日上街,不惜扮鬼扮馬為中小企請命,要求政府、銀行開水喉救命,否則霎時間收緊信貸,好多中小企周轉不寧隨時拉閘,老闆裁員走佬燒炭都唔掂;無獨有偶,梁君彥等三人組都幫中小企開聲,要求政府協助中小企度過難關,又建議政府與小商戶合作,派發優惠券刺激市民消費,振興本地經濟。
梁君彥食住上,表示稍後會在內務委員會上提出,立法會成立一個小組委員會救亡中小企,暫時唔知其他黨派意向。內會主席係劉健儀,對前黨友建議會點處理呢?三個自由黨議員同三個前黨員都係做埋類似嘅嘢,有人自立門戶未成氣候,反而成為疑似A貨自由黨,何必當初?