當年今日
關於我們

鄭融瞓辣椒扭S腰變噴火尤物

蘋果日報 2005/06/10 08:00


鄭融近日接拍了纖體產品「椒腰瘦」廣告,為了展示纖腰的美態,她穿上露腰裝示人,又不時在鏡頭前擺出S形甫士,十分性感。在多個造型當中,最特別是她躺在一大堆紅辣椒上的一個,鄭融日前在電話中說:「影相嘅時候,工作人員喺地下鋪咗幾箱紅辣椒,然後叫我瞓上去,我覺得個構思好靚。」

拍完腰痠背痛

問鄭融可有參考最愛擺S形甫士的鄺美雲的動作,她說:「攝影師要求我喺鏡頭前擺出蛇腰甫士,扭足十個鏡頭,都幾攰,好彩我平時都有做開運動,同埋有跳舞底,所以都唔需要參考人哋嘅動作。其實呢啲S形甫士都難唔到我,不過拍完廣告都有少少腰痠背痛。」
至於會否在炎夏大騷本錢,鄭融說:「唔會太刻意,我不嬲都鍾意着小背心同低腰褲啦!」此外,鄭融表示稍後會拍攝新歌MV,並邀請了同經理人公司的樂壇新人劉日曦合作。
採訪:比華利