立法會前主席曾鈺成「to run, or not to run」?以曾主席嘅聰明才智,點會咁易話畀大家知,所以𠵱家續係風花雪月之時,噚日佢喺自己做主持嘅電台節目《鈺成千里目》中更自爆同愛將、即係民建聯現任主席李慧琼喺1999年嘅相識經過,第一眼見到對方就覺得係「美貌少女」,𠱁到琼子冧爆講「多謝」。
現年42歲嘅琼子,當年25歲相信都卜卜脆,難怪師傅曾鈺成都印象難忘。當時仲扎根九龍西嘅曾鈺成話,民建聯喺1999年區議會選舉派咗好多新人落場,其中有位趙律師喺九龍城選,對方帶咗個「美貌少女」落區,會用紙筆記錄街坊對談,當時驚訝對方「咁pro(專業)」!