咩叫得勢不饒人，睇潘頓就知！呢位騎師榜一哥唔單止要做冠軍，仲要衝破100W大關，決心好大。呢日佢於上半場「金鹿」、「狄奧圖」起孖後，下半場雖然捧唔到遮打盃，但係第九場隨即贏大熱門「聰敏不凡」補數，無驚無險重奪騎師王寶座。
講番「聰敏不凡」今場排一檔大熱開齋，成為呢日跑到第九場為止，唯一之一檔上名馬，之前各場中一檔馬最叻都係「自然旺家」跑第四，至於葉楚航呢日靠潘頓起孖，咁啱兩匹頭馬上次都係由其他騎師跑P，今鋪一換潘頓即開齋，兩駒均取得在港處女勝利，潘頓可謂點石成金！