人類不吉的2020年快將過去，本港馬圈在「二○」 年特別多「靈異」事，千奇百怪乜都有，有啲令你覺得好笑，有啲則令你摸不着頭腦。

由於限聚令關係，馬場盃賽頒獎儀式亦有所限制。

11月14日舉行樂聲盃，當時限聚四人，頒獎禮後大合照時，頒獎嘉賓、騎師、練馬師及勝出馬主加埋已經四人。

馬會原本「別出心裁」，善用科技以電視屏幕在頒獎台上展示其餘嘉賓的相片，包括馬會CEO應家柏、主席陳南祿及贊助商代表蒙德揚，可能想熱鬧啲咁囉，無奈卻得出反效果。

不少網民見狀即截圖放上社交平台，直指整個場景酷似靈堂，令人看得不安。

鬼門關每逢農曆七月大開，不過馬會投注站幾時開、幾時閂，今年真係冇得估。

今年2月初全港場外投注站全線停止服務，六合彩亦暫停攪珠，到2月尾又局部開放部份投注站供馬迷兌換現金券及處理投注戶口服務，但就不會受注。

暑假期間投注站再次關閉，直至新馬季開鑼又重開，而六合彩也於9月尾恢復攪珠。

不過，隨着第四波疫情來襲，由12月初開始大部份投注站再次重門深鎖，不向馬迷提供服務。

由於疫情肆虐，外國好多賽馬地區都停擺，香港則堅持馬照跑，並採取半閉門形式作賽，及後有不少國家效法，如日本、英國、美國等。

其中3月29日沙田賽事更是首次不讓任何馬主入場，由原本「半閉門」變成「全閉門」作賽，只准相關工作人員進場，包括騎師、練馬師等。

雖然可以繼續馬照跑，但馬場內就水盡鵝飛。

沙田馬場上空出現UFO？原來係航拍機。

5月3日沙田馬場第七場賽事進行期間，從馬會網站巡邏影片亦可清楚看到有部航拍機，在賽事開閘後，於馬匹前方游弋並停留十幾秒後才飛走。

須知航拍機在馬匹競賽期間出現，其實十分危險，一旦失控墜機，後果更加不堪設想。

而馬會人員發現此事件後， 隨即報警處理，警方亦於城門河附近區域找到涉嫌「機師」。

6月21日出現日偏食現象，約下午4時月球遮蓋太陽近九成，即天文學家所說的「食甚」。

古人有云「天狗食日必有異象」，估唔到連賽果都出現異象，當食甚下天色轉暗，此時舉行第八場賽事，結果八駒場合竟然爆出大冷。

由擅長在夜間贏馬的「與龍共舞」（方嘉柏馬房），在楊明綸胯下爆17倍冷門勝出精英碟，並造就騎者首次揚威國際分級賽。

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/32cqDIW

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199