今晚喺韓國舉行嘅tvN十周年頒獎禮，頒發多個大獎，當頒發「最佳Kiss」獎時就先後播出多部劇集嘅經典場面，而播出片段時又影台下嘅藝人，佢哋重睇自己咀嘴片段時都表現得好尷尬，當中惠利同朴寶劍喺《回答吧！1988》、徐玄振同Eric喺《又，吳海英》嘅kiss片段再播時，全場觀眾都即時尖叫起哄，而最終就由《回答吧！1997》嘅徐仁國同鄭恩地嘅確認之吻奪得。

趙正錫就憑電視劇《Oh我的鬼神君》同埋綜藝節目《花樣青春》得Two Star獎。

雖然朴寶劍因為拍緊劇集，很佢都攞到一個tvN亞洲明星獎，大會仲即場同朴寶劍進行視像通話，朴寶劍話攞獎好榮幸得獎，之後見到螢光幕影住《回答吧！1988》嘅演員，朴寶劍即叫惠利劇中個名：「德善」，又讚惠利今日好靚同埋叫佢做老婆，惠利亦都禮尚往來叫朴寶劍做老公：「是我老公，恭喜你獲得亞洲明星獎。」