商台56周年台慶騷《騎騎騎大會串》，有份參演的包括林海峰、葛民輝、阮兆祥、少爺占、Donald及森美小儀等，於8月2日晚假座灣仔會展舉行。門票不設發售，取飛途徑包括商台網站玩遊戲、商台節目環節及指定客戶換飛。不過，昨日卻發生了網上非法兜售門票事宜，警方拘捕三個人，當中有商台員工。

商業電台發言人指，電台一直以嚴謹程序處理贈送活動門票事宜，深信今次是個別事件，公司發現有人非法兜售門票後，已即時報警處理。至於商台對外事務部回應謂:「昨日發現有人涉在網上非法兜售門票，涉及同事是商台員工，商台報警處理，員工正協助警方調查，詳情不便透露。」

森美晚上回覆時，笑言:「點解乜都關我事，我都係睇新聞先至知，但今次個騷啲飛確實好矜貴，好難有，希望盡快查實件事啦。想睇我哋做騷嘅fans，我呼籲大家千祈唔好俾錢買飛，唔好幫助啲不法之徒。如果涉及商台員工，我諗都係涉及一啲剛入職，入世未深嗰啲。做騷大家都知，所有飛係mark清晒所有來源嘅，mark清晒啲飛點去，每一張飛都知道去向。我冇返電台問過，但以我所覺得，唔似係資深員工。」