胡杏兒與鍾嘉欣早前到韓國為無綫錄影春晚節目,又特地抽空冒着首爾的零下氣溫,為傳媒拍攝賀年照,祝大家好運連連。日前被本報發現甜絲絲發短訊的杏兒,被問到會否催旺桃花運?她說:「有機會同時間就買啦,寧可信其有,其實我一向屋企都會擺桃花,不過係為事業更加好,緣份呢啲嘢,要嚟就嚟。」
嘉欣BB則會放長假休息,她說:「拍完《巨輪》之後會放兩個月假,陪屋企人。其實2012年可以話係我入行八年最豐收一年,第一次攞廣告天后獎最開心,可以賺到錢同埋係一個榮譽。多咗『嘉欣BB』呢個名都好開心,親民啲冇咁cool。」
採訪、攝影:藍文浩