韓國「國民初戀」秀智主演嘅新劇《當你沉睡時》近日熱播，不過由於劇集係先拍後播，秀智近日唔使趕拍劇集，反而多咗自己嘅私人時間或其他工作。而今日秀智就現身首爾蠶室球場，為韓國職業棒球賽擔任開球嘉賓。

身穿牛仔褲、運動服上衣嘅秀智現身時立即引起現場球迷歡呼，秀智亦心情靚靚向眾人揮手打招呼示意，又不時掩住嘴大笑。不過未知係休息時候食多咗嘢定服裝問題，令一向有少少包包臉嘅秀智看似肥咗。而今次已經係秀智第3次擔任開球嘉賓，見佢投球嘅姿勢亦相當有板有眼，明顯下過苦功練習，秀智更於twitter上載自己練習嘅投球嘅相片。

另外，秀智拍檔李鍾碩早前開設自己嘅咖啡室「89mansion」，近日為咗配合萬聖節，佢就孖住員工佈置咖啡室，佢更喺Instagram上載兩位員工化咗萬聖節妝嘅相，搞笑地讚兩位員工可愛0添。

更多娛聞，喺晒《娛果》
http://fb.com/appledailyent