當年今日

勿依賴經紀輸打贏要

蘋果日報 2006/09/04 00:00


近日地產界熱話,莫過於發展商的賣樓手法,而地產代理「拉客」的行為,同樣備受關注。在《香港討論區》,有網友便批評,現今代理只懂「吹水」,誤導買家入市,累死人。
不過,網友jackyckb301卻指出︰「作為消費者,是否應為自己的行為負責?買樓前是否應做做功課,評估一下樓市前景?」
網友小愉兒對此說法大表認同︰「𠵱家啲人淨係輸打贏要,炒樓輸咗最衰就係啲經紀,但賺大錢又唔見畀多幾隻佣?﹗」
倡議立法禁止炒樓
至於有網友提出「如果政府立法禁止炒樓,贊唔贊成?」的題目,亦引起廣泛討論。
Michael321321說︰「我覺得啲人好衰,將啲樓炒貴晒,如果唔係佢哋,樓價根本唔會咁貴……其實炒樓嗰班人,要搵錢啫,咪去炒股票囉,點解咁冇陰公,拿嗰啲『人最基本生存的必需品』來炒賣。
他又強調︰「有人用經濟學角度去分析,炒樓是必然的供求現象,借機會為炒樓行為辯護,我想問,若然用經濟學角度去分析後,證明炒血和藥物都是供求合理現象,係咪代表炒血和藥物都是正確行為﹖」
97年入市你唔好彩啫
不過,當然亦有人力撐炒樓無罪,發出不少聲音。6688xp說︰「香港係全世界最自由社會之一,限制人炒樓,我同你賭身家,一定無可能。仲有,係你唔好彩啫,無人叫你97年去買樓,你睇吓2002/03買樓嗰班人,𠵱家不知幾happy。」
網友SAE.com.hk更毫不客氣講︰「廢話……超級廢話……如果炒樓都要立法,咁唔好有買賣股票囉,都係炒。」
hitrate指數:2521次