鄭欣宜、吳業坤、許廷鏗、吳浩康、馮允謙和Aga等，今日到港台出席《星學計劃》活動，跟大專生們一起構思流行音樂計劃，其中鄭欣宜就笑言跟一班學生合作，感覺自己亦變得年輕。談到好友謝婷婷日前在IG上宣告產女，去年曾到加拿大探望婷婷的她表示：「好替佢開心，我有send message恭喜佢，舊年8月我返去溫哥華做嘢，順便探婷婷，因為係我哋成長同讀書嘅地方，見到佢好開心，我哋仲一齊去食日本菜。」

欣宜避談去年見到婷婷時對方是否已經有喜，問到當時出入可需要扶着婷婷，有喜後是否不應該吃日本菜？她說：「因為我好論盡，所以我哋朋友間出街都係互相扶住，而且日本菜都有好多種，邊個話一定係生嘢。」欣宜表示最重要是母女平安，亦希望婷婷盡快帶囡囡回香港。

欣宜又透露上月自己亦曾回加拿大探望婷婷，亦有和B女玩，並大讚B女相當結實，問到B女爸爸可是外國人？她即大耍太極稱自己即將出新歌。再追問另有傳B女父親是加拿大的富二代，她說：「我入行十幾年，知道傳聞歸傳聞，最緊要係佢哋母女平安同開心。」

欣宜又表示婷婷是一個好媽媽：「佢照顧得B女好好，事事都自己落手落腳。」問到B女生得可像媽媽？欣宜笑話：「佢好肥美，我叫佢做Jelly Bean，睇見都開心。」問到可會跟B女上契？她說：「點會輪到我，唔使擔心，大把人爭住錫佢。」

另外，同場的吳業坤受訪就笑言，學生們知道抽中他後，面上似乎流露出失望的表情：「唔緊要嘅，人生係有唔同挑戰，抽中我都係一個大挑戰。」坤哥話希望透過對談，讓學生們可以看到不同面的他。

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9