萬綺雯（蚊蚊）憑42吋煞食長腿殺出血路，加盟無綫冇耐就劇接劇，仲要每部劇都擔正做女主角，真係恨死隔離﹗而蚊蚊雖然就快43歲，已達中女年齡，但蚊蚊身形及容貌仍保養得宜，好似食咗防腐劑咁，同做女嗰陣冇乜太大分別，確係令人羨慕嘅。

不過今日就有報道話，蚊蚊上月初到橫店開工，拍無綫新劇《食為奴》。有一晚蚊蚊要補拍一個跑步鏡頭，等埋位時，平日斯文乖女嘅蚊蚊，原來係煙民一名，事關佢突然拎支煙出嚟狂抽，又同工作人員吹水，只見蚊蚊吞雲吐霧，手勢純熟，煙齡似乎有返咁上下。

另外，報道又話蚊蚊雖然保持青春，但背後都係要靠化妝先保住個防腐樣，事關蚊蚊落妝時，被發現疲態盡現，個樣幾殘下喎﹗

《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp